თავისუფალი დემოკრატების ერთ-ერთი ლიდერი, ნინო გოგუაძე ამბობს, პარტია ქართული ოცნების აღმასრულებელი მდივნის, ირაკლი კობახიძის პარლამენტის თავჯდომარის პოსტზე სავარაუდო დანიშვნას აფასებს და ამბობს, რომ დავით უსუფაშვილი მას გაცილებით სჯობდა:

"ჩემი პოზიციაა: შესაძლო კონსტიტუციური უმრავლესობით მოვიდა ქართული ოცნება, ამაზე პასუხისმგებლობა აიღო საქართველოს მოსახლეობამ და ქართულ ოცნებას ვინც მოუნდება, იმას დანიშნავს პარლამენტის თავჯდომარედ. ჩემი შეფასებით, დათო უსუფაშვილი გაცილებით კომპეტენტური, უკეთესი და დაბალანსებული პარლამენტის თავჯდომარე იყო. ეს საქართველოს მოსახლეობის არჩევანია, ვნახოთ, მე წარმატება ვუსურვებ".

დღეს უმრავლესობის წევრმა, გია ვოლსკიმ განაცხადა, რომ ირაკლი კობახიძის პარლამენტის თავჯდომარის პოსტზე განხილვა საკმაოდ სწორი გადაწყვეტილება იქნებოდა.