ჭიათურის მაღაროში მუშა დაიღუპა. ინფორმაცია On.ge-ს შინაგან საქმეთა სამინისტროში დაუდასტურეს.

გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

ათი დღის წინ ხარაგაულის სარკინიგზო გვირაბის მშენებლობის დროს მუშა დაიღუპა. მას მანქანა დაეჯახა და ადგილზე გარდაიცვალა. შრომის ინსპექციამ ჩინეთის რკინიგზის 23-ე ბიუროს სამუშაო პროცესი შეუჩერა და ობიექტი 50 ათასი ლარით დააჯარიმა.

უწყების ინფორმაციით, მოკვლევის შედეგად შრომის ინსპექციამ გამოავლინა უსაფრთოების წესების დარღვევა, კერძოდ, სამუშაოს წარმოებისას გამოიყენებოდა დაზიანებული, ამორტიზებული, ტექნიკურად გაუმართავი მძიმე ტექნიკა, სამშენებლო მოედნზე უსაფრთხოების წესების უგულვებელყოფა, საფრთხეების არასწორი/არასრულყოფილი იდენტიფიცირება და ა.შ.