პატრიოტთა ალიანსის დეპუტატი ემზარ კვიციანი აქტივისტების გარდა აგრესიულობაში ჟურნალისტებსაც ადანაშაულებს. კვიციანი ამბობს, რომ მედიის წარმომადგენლებს მისთვის სიტუაციის შეფასება მაშინ არ უნდა ეთხოვათ, როცა "თავს ესხმოდმენ". მისი თქმით, ჟურნალისტები მიკროფონს "პირში ჩრიდნენ".

"თავდამსხმელებთან ერთად რომ თავს მესხმის ჟურნალისტი, ეს ეთიკაა?... არავითარი კითხვები არ არსებობს მაშინ, როცა ვერ ვიგერიებ ხალხს, მაგინებენ", — აცხადებს ემზარ კვიციანი.

გარდა ამისა კვიციანი ჟურნალისტებს ადანაშაულებს იმაშიც, რომ უკვე "დამნაშავედ" გამოაცხადეს იმის მიუხედავად, რომ მას "თავს ესხმოდნენ და აგინებდნენ".

8 სექტემბერს პარლამენტთან ცხვრების მიყვანის შემდეგ პატრიოტთა ალიანსის დეპუტატი, ემზარ კვიციანი პარლამენტის შენობიდან გამოვიდა და აქციის მონაწილეებსა და სამართალდამცავებს სიტყვიერი და ფიზიკური შეურაცხყოფა მიაყენა, ის ასევე, აფურთხებდა აქტივსიტებს. ერთ-ერთი მათგანს, ზუკა ბერძენიშვილს მან სამჯერ დაარტყა.

ამავე თემაზე: