რუსთავი 2-ს დამფუძნებელი, დავით დვალი აცხადებს, რომ პროკურატურამ უარი თქვა 2004 წელს ტელევიზიის იძულებით გასხვისების საქმეზე ჩვენებები სრულად ან ნაწილობრივ გაასაჯაროოს. ამ საქმის ფარგლებში დაკითხეს ყოფილი ხელისუფლების მაღალჩინოსნებიც. საგამოძიებო უწყების მიერ მისთვის და ჯარჯი აქიმიძისთვის გაგზავნილი წერილი დვალმა On.ge-ს მიაწოდა.

"საქმის მასალების სრულად ან ნაწილობრივ გასაჯაროება მიზანშეწონილი არ არის", — მიწერა პროკურატურამ დაზარალებულებს.

საგამოძიებო უწყებიდან დვალმა და აქიმიძემ კიდევ ერთი წერილი მიიღეს. პროკურატურამ მათ აცნობა, რომ ამ საქმეზე პასუხისგებაში არავინ მიეცემა.

მანამდე დავით დვალმა წინა ხელისუფლების დროს თავდაცვის მინისტრის, ირაკლი ოქრუაშვილის ჩვენების ფრაგმენტი მიაწოდა მედიას. ამ ფრაგმენტით ირკვეოდა, რომ დვალსა და აქიმიძიეს ტელევიზია იძულებით დაათმობინეს.

რუსთავი 2-ის საქმე

ტელეკომპანია რუსთავი 2-ის დამფუძნებლებმა და ყოფილმა მფლობელებმა დავით დვალმა და ჯარჯი აქიმიძემ 2012 წელს დაიწყეს სამართლებრივ ბრძოლას რუსთავი2-ის 60 პროცენტიანი წილის სასამართლოს გზით დაბრუნებისთვის.

სამაუწყებლო კომპანია რუსთავი 2 1994 წელის 4 მარტს, შპს შპს საინფორმაციო-სარეკლამო სააგენტო გამა პლიუსის სახელით ჯარჯი აქიმიძემ, დავით დვალმა და ეროსი კიწმარიშვილმა დააფუძნეს. მას მერე კომპანიის მფლობელები დაახლოებით 20-ჯერ შეიცვალნენ. აქიმიძე და დვალი აცხადებენ, რომ მათ არხი იძულებით დაათმობინეს და პროკურატურას შესაბამისი ჩვენებები აქვს.