თბილისში საქართველოს ბანკზე ყაჩაღური თავდასხმის ბრალდებით 1994 წელს დაბადებული პირი დააკავეს. ბრალდება 5-დან 7 წლამდე ვადით თავისუფლების აღკვეთას ითვალისწინებს.

შსს-ს ცნობით, ბრალდებული მიმდინარე წლის 8 აგვისტოს, თბილისში, ჩიტაიას ქუჩაზე მდებარე საქართველოს ბანკის ექსპრეს ფილიალს ყაჩაღურად თავს დაესხა, იარაღის მუქარით გაიტაცა ფული (დაახლოებით 10 000 ათი ათასი ლარის ოდენობით) და მიიმალა.

"პოლიციამ ვ.გ.-ს დროებითი საცხოვრებელი სახლიდან ნივთმტკიცებად ამოიღო ტანსაცმელი, რომელიც მას ბანკის დაყაჩაღების დროს ეცვა, სახლის სხვენიდან კი ამოღებულია დანაშაულის ჩადენის იარაღი, რომელზეც დანიშნულია შესაბამისი ექსპერტიზა.ბრალდებული დანაშაულს აღიარებს", — განაცხადა თბილისის პოლიციის დეპარტამენტის ძველი თბილისის სამმართველოს უფროსმა ლევან მაისურაძემ.

ყაჩაღობის და იარაღის უკანონო შეძენა-შენახვა-ტარების საქმეზე გამოძიება
საქართველოს სისხლის სამართლის კოდექსის 179-ე მუხლის 1-ლი, ასევე, 236-ე
მუხლის მე-3 და მე-4 ნაწილებით მიმდინარეობს.