ქართული ოცნების კანონპროექტის მიხედვით, ანტირეკლამაზე შეზღუდვები დაწესდება. შემუშავებულ დოკუმენტს ამ წუთებში არასამთავრობო ორგანიზაციებს, პოლიტიკურ პარტიებსა და დაინტერესებულ მხარეებს აცნობენ.

კანონპროექტის მიხედვით, ანტირეკლამის ნაწილი სარეკლამო რგოლის მეოთხედს, 25 პროცენტს არ უნდა აღემატებოდეს.

ანტირეკლამა აქტუალური 2018 წლის საპრეზიდენტო არჩევნების წინ გახდა. მედიაში აქტიურად შუქდებოდა მაშინდელი საპრეზიდენტო კანდიდატის, ახლა უკვე პრეზიდენტის, სალომე ზურაბიშვილის საწინააღმდეგო რეკლამები.

მაშინ ამ შინაარსის რეკლამების ეთერში განთავსებიდან მალევე კომუნიკაციების ეროვნულმა კომისიამ განცხადება გაავრცელა და ტელევიზიებს მოუწოდა რგოლები ეთერიდან დაუყოვნებლივ მოეხსნათ. კომისიას მიაჩნდა, რომ ამ შინაარსის საწინააღმდეგო რეკლამის განთავსება საქართველოს კანონმდებლობას არღვევდა.