ჩინეთი დისნეის ახალი ფილმის Mulan-ის ტიზერის გავრცელების შემდეგ, აღტაცებამ მოიცვა. თუმცა არიან ადამიანები, რომლებსაც ფილმში აღმოჩენილი ისტორიული და გეოგრაფიული უზუსტობები არ მოსწონთ, ისინი ამ ყველაფერს უპატივცემულობად მიიჩნევენ.

ჩინელი მაყურებლის აღტაცების ერთ-ერთი ძირითადი მიზეზი მთავარი როლის შემსრულებელი ჩინელი მსახიობი ლიუ იუფეია.

"ეს ჩემი ოცნების მულანია!" — ვკითხულობთ დისნეის Weibo-ს ოფიციალურ გვერდზე (ტვიტერის მსგავსი ჩინური პლატფორმა) პირველ კომენტარში.

ჰეშთეგი - #HuaMulan უკვე 1,5 მილიარდ ადამიანს აქვს ნანახი. #MulanTrailer კი ტრეილერის დადებიდან 2 დღის განმავლობაში 1,2 მილიარდმა ნახა.

"ამ ტრეილერს ერთი საათი განმეორებით ვუყურებდი", "როდესაც ფილმი გამოვა ბოქს ოფისს ავაფეთქებ!" — წერენ პოსტის კომენტარებში.

შეგახსენებთ, რომ ფილმის პრემიერა 2020 წლის 27 მარტს შედგება.

ამავე თემაზე: