პარლამენტის დეპუტატი პატრიოტთა ალიანსიდან, ადა მარშანია პარლამენტის შენობასთან ჰომოფობიური შინაარსის აქციაზე მივიდა. მან მოქალაქეებს სიტყვით მიმართა და თანაპარტიელ ემზარ კვიციანს მიმართა.

"ემზარ, აქა ვართ, ემზარ, აფხაზეთი აქ არის, ემზარ, აფხაზეთი", — მიმართა მარშანიამ თანაპარტიელ ემზარ კვიციანს და თან ხელი დაუქნია.

მალევე მან საზოგადოებრივ მაუწყებელს მიმართა, რომ აქცია პირდაპირ ეთერში გადაეცა.

დღეს, 8 ივლისს #სირცხვილია-ს მე-19 დღეს პარლამენტთან ჰომოფობიური ჯგუფის წარმომადგენელები შეიკრიბნენ და აქციის გამართვა დაიწყეს.