ცესკოს წინასწარი მონაცემებით, ზესტაფონის მერობის არჩევნებში ქართული ოცნების კანდიდატი, გიორგი გოგლიჩიძე იმარჯვებს. მან ხმების 50,75% მოიპოვა, გაერთიანებული ოპოზიციის კანდიდატმა ბაქარ ხიჯაკაძემ — 34,26%, ხოლო თავისუფალი დემოკრატების კანდიდატმა, გოგი წულაიამ — 5,81%. გიორგი გოგლიჩიძე პირველი შშმ პირი იქნება, რომელიც აღნიშნულ თანამდებობას დაიკავებს.

გარდა ამისა, წინასწარი მონაცემებით ქართული ოცნების კანდიდატები იმარჯვებენ ზუგდიდის, მარნეულის, ხულოსა და ჭიათურის მერობის რიგგარეშე არჩევნებში.

19 მაისს მთაწმინდის ოლქსი შუალედური მაჟორიტარული არჩევნები ჩატარდა, სადაც მეორე ტური უნდა ჩატარდეს. ევროპული საქართველო — თავისუფალი დემოკრატების კანდიდატმა, შალვა შავგულიძემ ხმების 36,835 მოიპოვა, ხოლო ქართული ოცნების კანდიდატმა, ლადო კახაძემ — 41%. პირველსავე ტურში გამარჯვებისთვის ხმების 50%-ზე მეტის მიღებაა საჭირო.