რუსეთის პრეზიდენტმა, ვლადიმერ პუტინმა სოჭში ეროვნულ ნაკრებთან ერთად ყინულის ჰოკეი ითამაშა, სულ მცირე რვა გოლი გაიტანა და როდესაც გამარჯვების აღსანიშნად გულშემატკივარს ესალმებოდა, წაიქცა.

The Guardians-ის ცნობით, 66 წლის პრეზიდენტმა ითამაშა ისეთ ლეგენდარულ მოთამაშეებთან ერთად, როგორებიც არიან სლავა ფეტისოვი და პაველ ბიურე. მას თანაგუნდელებმა არაერთი შანსი შეუქმნეს გოლის გასატანად, რასაც მოწინააღმდეგეების მცველებისგან დიდი წინააღმდეგობა არ შეხვედრია.

Associated Press და Reuters წერენ, რომ მატჩის დროს პუტინმა რვა გოლი გაიტანა, მაშინ როდესაც კრემლის განცხადებით, რუსეთის პრეზიდენტმა 10 გოლი გაიტანა და ანგარიშით 14-7 დაამარცხა მოწინააღმდეგე გუნდი.