ცნობილი თურქი მსახიობი ჩაგათაი ულუსოი საქველმოქმედო კამპანიის ფარგლებში საქართველოში ჩამოვა. ის მონაწილეობას მიიღებს ბერი ანდრიას სახელობის ფონდის ღონისძიებაში, რომელიც ორგანიზატორების თქმით, სიმსივნით დაავადებული ბავშვების დასახმარებლად იმართება.

ღონისძიების ორგანიზატორმა On.ge-ს განუცხადა, რომ მსახიობის ჩამოსვლა ბავშვებმა ითხოვეს. მისი თქმით, საქველმოქმედო ვახშამი, რომელსაც ულუსოი დაესწრება 10 მაისს 18:30-ზე რესტორან ეთნო წისქვილში გაიმართება. მისივე თქმით, დილით მსახიობი პრესკონფერენციას გამართავს. ამ ეტაპზე ზუსტი დრო უცნობია.

საქველმოქმედო საღამოზე კონცერტი გაიმართება, რომელშიც ქართველი მომღერლები ლელა წურწუმია, ანრი ჯოხაძე, ნინი ბადურაშვილი და სხვები მიიღებენ მონაწილეობას. ინფორმაცია ამის შესახებ თავად ბადურაშვილმა გაავრცელა.