უკრაინის პრეზიდენტობის კანდიდატმა, ვოლოდიმირ ზელინსკიმ ყოფილ კანდიდატს, იულია ტიმოშენკოს შესთავაზა, რომ პეტრო პოროშენკოსთან დებატების მოდერატორი გამხდეს. ვიდეომიმართვა ზელინსკიმ ფეისბუქზე გამოაქვეყნა. ტიმოშენკო ზელენსკის შეთავაზებას ჯერ არ გამოხმაურებია.

უკრაინის საპრეზიდენტო არჩევნების მეორე ტურში ერთმანეთს ვოლოდიმირ ზელენსკი და პეტრო პოროშენკო დაუპირისპირდებიან. პოროშენკომ ზელენსკის დებატების გამართვა შესთავაზე, თუმცა ზელენსკიმ ამისთვის რამდენიმე პირობა წამოაყენა. ის ითხოვს, რომ დებატები კიევის ოლიმპიურ სტადიონზე გაიმართოს და დებატებამდე კანდიდატებმა სისხლის ანალიზი ჩაიტარონ, რათა "ხალხს დაუმტკიცონ, რომ მათ შორის არც ნარკოტიკებზე და ალკოჰოლზე დამოკიდებულები არ არინ".

მიუხედავად იმისა, რომ კანონით საპრეზიდენტო კანდიდატების დებატები საზოგადოებრივი მაუწყებლის შენობაში უნდა გაიმართოს, პოროშენკო ზელენსკის შემოთავაზებას დათანხმდა. საპრეზიდენტო კანდიდატებმა სისხლი უკვე ჩააბარეს.

31 მარტს უკრაინაში საპრეზიდენტო არჩევნები გაიმართა. ცენტრალური საარჩევნო კომისიის ინფორმაციით, მეორე ტურში ერთმანეთს ვოლოდიმირ ზელენსკი (30,24%) და პეტრო პოროშენკო (15,95%) დაუპირისპირდებიან. უკვე ცნობილია, რომ მესამე ადგილას გასული იულია ტიმოშენკო მეორე ტურში არც ერთ კანდიდატს მხარს არ დაუჭერს.

ამავე თემაზე: