მოემზადეთ, 2019 წლის 7 ივნისიდან ეკრანებზე ახალი კომედიური დრამა Late Night გამოჩნდება. ფილმში მთავარ როლებს ყველასათვის საყვარელი ემა ტომფსონი და მინდი კილინგი ასრულებენ.

ტომფსონის პერსონაჟი ფილმში ღამის გასართობი შოუს წამყვანია, რომელსაც მრავალწლიანი კარიერის შემდეგ გადაცემის დახურვასა და სამსახურიდან გაშვებას უპირებენ. კილინგის პერსონაჟი კი ამ გადაცემის პირველი ქალი და ფერადკანიანი სცენარისტია, რომელიც კაცებით დაკომპლექტებული სცენარისტების ჯგუფში თავის დამკვიდრებას ცდილობს.

სიუჟეტი სწორედ ტომფსონისა და კილინგის დუეტის გარშემო ვითარდება, ისინი ერთობლივი ძალებით იწყებენ ბრძოლას იმისთვის, რომ ემას გმირმა კარიერა შეინარჩუნოს და კიდევ უფრო წარმატებული გახდეს.

ფილმის სცენარის ავტორი მინდი კილინგია, რეჟისორის სკამი კი ნიშა ჯენატრამ დაიკავა. Late Night-ზე დისტრიბუციის უფლება ამაზონმა $13 მილიონად შეიძინა.

თუ წინასწარ განწყობებს დავუჯერებთ, ფილმს დიდ წარმატებას უწინასწარმეტყველებენ.