ამერიკულმა როკ-ბენმა Weezer ცოტა ხნის წინ ახალი ალბომი The Teal Album გამოუშვა, რომელშიც ცნობილი მუსიკოსების, მათ შორის, მაიკლ ჯეკსონის ქავერსაც ასრულებს.

სიმღერების ჩამონათვალშია ლეგენდარული a-ha-ს ჰიტი Take On Me, რომელზეც კლიპიც გადაიღეს.

მუსიკალურ ვიდეორგოლში Stranger Things-ის მსახიობი ფინ ვოლფჰარდი მონაწილეობს, რომელიც თავის ბენდთან, Calpurnia, სახლის მისაღებ ოთახში სიმღერას ასრულებს. კლიპში მონაწილე თინეიჯერების შესრულებას Weezer-ის ხმა ადევს.

ვიდეოში ის ილუსტრაციული ტექნიკებია გამოყენებული, რომელიც a-ha-ს ცნობილ კლიპში გვხვდება.

აქვე გთავაზობთ 1985 წლის კლიპზე გადაღებულ პოპულარულ მუსიკალურ ვიდეოსაც.