შინაგან საქმეთა სამინისტროს ინფორმაციით, თბილისში 4 მაღაზიაში ქურდობის ბრალდებით არასრულწლოვანი დააკავეს. უწყების განცხადებით, 15 წლის მოზარდმა ელიტ ელექტრონიქსის, მოდერნ ვილას, ბელუქსისა და ლაით ჰაუსის მაღაზიები გაქურდა.

უწყებაში ამბობენ, რომ ბრალდებულმა მაღაზიებიდან სხვადასხვა ნივთები და ფული მოიპარა და ადგილიდან მიიმალა. მათი თქმით, ნაქურდალი ნივთები ნივთმკტიცებად ამოიღეს.

საქმეზე გამოძება საქართველოს სისხლის სამართლის კოდექსის 177-ე
მუხლის მე-2 ნაწილის "ბ" და მე-3 ნაწილის "ა" ქვეპუნქტებით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.