2020 წელი კომიქსების მოყვარულთათვის ერთ-ერთი გამორჩეული წელი იქნება. ამ დროს რამდენიმე საინტერესო ფილმი გამოდის, მათ შორის ერთ-ერთი ყველაზე მნიშვნელოვანი კი Birds of Prey არის.

ფილმში მთავარ, ჰარლი ქუინის როლს შეუდარებელი მარგო რობი ასრულებს. ჰარლი ქუინი თვითმკვლელთა რაზმის ერთ-ერთი წევრია.

სიუჟეტი მას შემდეგ იწყება, რაც ჰარლი ქუინი ჯოკერს დაშორდება და სამ სუპერგმირ ქალს შეუერთდება, რომლებიც ბოროტი კრიმინალური ბანდის წინააღმდეგ გაილაშქრებენ.

აღსანიშნავია, რომ ახალ, ძალიან პატარა ტიზერში კინოსტუდიამ ახალი პერსონაჟებიც წარუდგინა მაყურებელს. მათ როლებს ფილმში იუენ მაკგრეგორი, კრის მეზინა, როსი პერესი და სხვა მსახიობები შეასრულებენ.