ინდაურის ხორცპროდუქტების მწარმოებელი ამერიკული კომპანია, Jennie-O ვისკონსინელ 13 წლის გოგოს, ჯეიმი კლოსს, 25 ათას დოლარს გადაუხდის.

გოგონა საკუთარი სახლიდან 2018 წლის 15 ოქტომბრის ღამეს გაიტაცეს, მას შემდეგ, რაც მას მშობლები დაუხოცეს. ჯეიმი სამი თვის განმავლობაში დაკარგული იყო და Jennie-O-ს მის შესახებ ინფორმაციის გაზიარებაზე ჯილდო ჰქონდა დაწესებული.

ჯეიმის მშობლები, ჯეიმს და დენის კლოსები სწორედ Jennie-O-ში მუშაობდნენ.

გატაცებიდან 88 დღის შემდეგ, 13 წლის გოგომ გამოქცევა შეძლო და სამართალდამცავებს მშობლების მკვლელსა და მის გამტაცებელზე ინფორმაცია მიაწოდა. რამდენიმე საათში, პოლიციამ 21 წლის ბრალდებული დააკავა.

გატაცებული გოგოს ადგილსამყოფელის დასახელებაზე ჯილდო ჰქონდა დაწესებული FBI-საც, თუმცა უცნობია, გადასცემს თუ არა საგამოძიებო ბიურო თანხას ჯეიმის, მას შემდეგ, რაც მან თავი გადაირჩინა და საქმეც გახსნა.