თითიდან გამოწოვილი 10 არგუმენტი, რომელიც სიგარეტის გადაგდებაში ხელს გვიშლის

მოდი, გულზე ხელი დავიდოთ და ვაღიაროთ — ყველა კარგად ვაცნობიერებთ, რომ სიგარეტი ჯანმრთელობას განსაკუთრებულ საფრთხეს უქმნის, კანს აბერებს, კბილებს აყვითლებს და ჩვენს ჯიბესაც საგრძნობლად ათხელებს.

თუმცა, რამდენჯერაც არ უნდა გადავწყვიტოთ სიგარეტის გადაგდება, ბოლოს ნებისყოფა მაინც არ გვყოფნის და ყოველი მომდევნო ღერის მოწევისას, თავს ათასი სისულელით ვიმართლებთ ხოლმე.

10 ძალიან ნაცნობ და ამავდროულად თითიდან გამოწოვილ არგუმენტს ჩამოგითვლი, რომელიც სიგარეტის გადაგდებაში დღემდე ხელს გიშლის:

1. ჩემი მეზობლის ბებია მწეველი იყო, მაგრამ იცი რამდენი წელი იცოცხლა?!

კარგია, რომ შენი მეზობლის ბებიას გაუმართლა და ცხოვრებაში ყველაფრის ნახვა მოასწრო. თუმცა, გუგლში თუ სიტყვა "მოწევას" ჩაწერ და მერე რამდენიმე საინტერესო სტატიასაც წაიკითხავ, დარწმუნდები, რომ მოწევით შენი შანსები ყოველდღიურად მცირდება.

2. მსმენია, რომ ასე ერთბაშად გადაგდება არ შეიძლება

ერთი კოლოფის ერთბაშად მოწევა შეიძლება, არა?!

3. თვის ბოლოს ვარჯიში უნდა დავიწყო და მერე გადავაგდებ

პირადი გამოცდილებიდან გეტყვი, რომ მსგავსი ბუნდოვანი მიზნები, რომლებსაც მომავალ ორშაბათს, იქითა თვეში, ან ახალ წელს დაგეგმავ, არასდროს განხორციელდება.

4. წონაში მოვიმატებ

წონაში მოიმატებ არა სიგარეტის გადაგდების გამო, არამედ იმიტომ, რომ ამ მავნე ჩვევას შენდა უნებურად, უფრო ინტენსიური ჭამით ჩაანაცვლებ, რაც ძალიან დროებითი და ბუნებრივი მოვლენაა.

5. აბა რა ვაკეთო?!

გაისეირნე, დახატე, ითამაშე, მუსიკას მოუსმინე, ჭამე, იცეკვე, წაიკითხე, ივარჯიშე, წყალი დალიე, ფეისბუქის ჩათი გაასუფთავე, ლექსი დაწერე, ან უბრალოდ ის აკეთე, რასაც ყოველთვის აკეთებდი - მოწევა დაივიწყე.

6. ფილმებში ისე გემრიელად ეწევიან, რომ მეც მინდება

თუ დაკვირვებიხარ, ფილმებში ძაან გემრიელადაც დაფრინავენ და რა გავაკეთოთ?!

7. აუ, ყველანი ეწევით?! მაშინ მეც მოვწევ

დამიჯერე, შენი გულისთვის ამხელა მსხვერპლს არავინ გაიღებდა. თუ ოთახში ყველა ეწევა, მეგობრებს თავაზიანად თხოვე, რომ აივანზე გადაინაცვლონ, ან თავად გადი სუფთა ჰაერზე.

8. სასმელს მე არ ვსვამ და აღარც მოვწიო?!

ნუ ყვირი. ძალიან კარგია, რომ სასმელს არ სვამ, მაგრამ ზოგჯერ ერთი ჭიქა გემრიელი ღვინო ჯობია წრუპო, ვიდრე ერთი კოლოფი სიგარეტი მოწიო.

9. სხვანაირად ვერ ვმუშაობ

ეს ყველაზე აბსურდული და ამავდროულად ძალიან სახიფათო არგუმენტია. თუ შენი საქმე გიყვარს, მთლიანად შემოქმედებით პროცესში ხარ ჩართული და მუშაობის დროს 10 ღერი სიგარეტის ისე მოწევა, რომ ვერც იგებ, სწორედ ამით აიხსნება.

10. ძალიან ცივა და სიგარეტი მათბობს რაღაცნაირად

ორი ანთებული ღერი კოცონია ძმა?

ბოლო ამბები:

გირჩევთ