თუ თვლით, რომ წარუმატებელი ადამიანი ხართ და ცხოვრებაში ვერაფერს მიაღწევთ, ძალიან ცდებით. უბრალოდ, უნდა გახსოვდეთ, რომ როდესაც ერთი კარი იხურება, რამდენიმე ახალი აუცილებლად იხსნება. შესაძლოა, ამას გარკვეული დრო დასჭირდეს, თუმცა მონდომებასთან ერთად წარმატებაც აუცილებლად მოდის.

ამის ერთ-ერთი ნათელი მაგალითი ჰოლი ბერია, რომელმაც აღიარა, რომ წლების წინ უსახლკაროთა თავშესაფარში ცხოვრობდა. თუმცა მისმა შრომამ და თავდადებამ შედეგი გამოიღო და დღეს ის ერთ-ერთი ყველაზე მაღალანაზღაურებადი და წარმატებული მსახიობია.

ეს მხოლოდ ჰოლი ბერის ისტორია არ არის, ასეთი ამბავი უამრავია და ამის დასამტკიცებლად გთავაზობთ 12 ვარსკვლავის ისტორიას და მათ გზას დიდი კრახიდან, დიდ წარმატებამდე.

1. 19 წლის ასაკში კრის პრატი უსახლკარო იყო და მაუიში, მიტოვებულ ფურგონში ცხოვრობდა. 20 წლის შემდეგ კი ის ჰავაიში გადაღებებზე ჩავიდა და იურული პერიოდის პარკისთვის $10 მილიონიან კონტრაქტს მოაწერა ხელი

2. ლიზა კუდროუ ერთ-ერთ სერიალში დაამტკიცეს როლზე, თუმცა მოგვიანებით ის სამსახურიდან გაათავისუფლეს. ზუსტად ერთი წლის შემდეგ კი მან Friends-ში მთავარი როლი მიიღო

3. კრისი მეტზს თავის ანგარიშზე მხოლოდ 81 ცენტი ჰქონდა დარჩენილი, როდესაც სერიალ This Is Us-დან დაურეკეს და როლზე დაამტკიცეს

4. სილვესტერ სტალონე იმდენად ღარიბი იყო, რომ მოუწია თავისი საყვარელი ძაღლი 40 დოლარად გაიყიდა. ერთი წლის შემდეგ კი კინოსტუდიამ მისგან როკის სცენარი იყიდა

5. 23 წლის ასაკში ოპრა უინფრი სამსახურიდან გაათავისუფლეს და უთხრეს, რომ სატელევიზიო გადაცემისთვის შეუფერებელი იყო. მისი ისტორია როგორც განვითარდა ყველამ ვიცით, დღეს ის უდიდესი კაპიტალისა და გავლენის პატრონია

6. სტივენ კინგის პირველი ნოველა კერი გამოქვეყნებამდე 30-მა გამომცემლობამ დაბლოკა

7. ლედი გაგას მუსიკალურმა კომპანიამ იმ მიზეზით არ გაუფორმა კონტრაქტი, რომ მისი სიმღერები მათ სტილში არ ჯდებოდა. დღეს კი გაგა ერთ-ერთი ყველაზე გავლენიანი მუსიკოსია

8. ჯიმ კერიმ SNL-ის კასტინგი ორჯერ გაიარა, თუმცა დასაქმებაზე უარი უთხრეს. მოგვიანებით, დიდი წარმატების მიღწევის შემდეგ ის შოუს წამყვანი სამჯერ იყო

9. ჯოან როულინგი სიდუხჭირეში ცხოვრობდა. ჰარი პოტერის გამოცემაზე კი უარი 12-ჯერ უთხრეს. წიგნის გამოსვლის შემდეგ კი ის მსოფლიოში პირველი მწერალი გახდა, რომელმაც წიგნების გაყიდვით მიღებული შემოსავლით მილიარდ დოლარიანი მოგება ნახა

10. ნაომი უოტსის გადაღებაზე თითქმის ყველა რეჟისორი ამბობდა უარს, მას კასტინგებზე იწუნებდნენ და ამისგან განადგურებული მსახიობი ავსტრალიაში დაბრუნდა. მოგვიანებით მის ტელეფონზე დეივიდ ლინჩის ზარი გაისმა, რომელმაც შეიძლება ითქვას, რომ სამყაროს უდიდესი მსახიობი აჩუქა

11. გალ გადოტი კასტინგებზე იმდენჯერ დაიწუნეს, რომ მსახიობი მსახიობობაზე უარის თქმას აპირებდა. თუმცა, მალევე ის ვანდერ ვუმენის როლზე დაამტკიცეს

12. სტივენ სპილბერგს School of Cinematic Arts-ში მიღებაზე უარი ორჯერ უთხრეს. მალე კი ის სამყაროს ერთ-ერთი საუკეთესო და ოსკარზე 17-ჯერ ნომინირებული რეჟისორი გახდა