ტვიტერში დაწყებულმა კამპანიამ ჰეშტეგით #Avengers4Alexander შედეგი გამოიღო. Avengers-ის მძიმედ დაავადებული ფანი ფილმის ახალ ნაწილს პრემიერამდე ნახავს.

33 წლის ალექსანდერი ძვლის ტვინის უიშვიათესი დაავადებით იტანჯება, ის წლებია საავადმყოფოში წევს და სიცოცხლისთვის იბრძვის. ანალოგიური დაავადებით რამდენიმე წლის წინ გარდაიცვალა ალექსანდერის დაც.

მარველის ფილმის დიდ გულშემატკივარს სურდა, რომ სიკვდილამდე მოესწრო და შურისმაძიებლების ახალი ნაწილი ენახა. ფილმის შემქმნელებმა და კინოსტუდიამ კი გადაწყვიტა, მისი ოცნება აესრულებინა და ალექსანდერისთვის პერსონალური ჩვენება მოეწყოთ.

"როდესაც დისნეიდან დამიკავშირდნენ, ცრემლებს ვერ ვიკავებდი. დიდი მადლობა ყველას მხარდაჭერისთვის, თქვენი ვალიდან ვერასდროს ამოვალ", - თქვა ალექსანდერმა მას შემდეგ, რაც შეიტყო რომ ფილმს პრემიერამდე ნახავს.

დისნეი ფანისთვის ფილმის ჩვენაბას რამდენიმე კვირაში გეგმავს.

გაიგეთ მეტი:

მნიშვნელოვანი დეტალები, რომლებიც Avengers: Endgame-ის ტრეილერიდან გავიგეთ