დიდი კინოდან სერიალებში წასულ მსახიობებს ოსკარის მფლობელი ალ პაჩინოც შეუერთდა.

ჰოლივუდის ვარსკვლავი მონაწილეობას მიიღებს ამაზონის ახალ დრამაში The Hunt რომლის პროდიუსერიც Get Out-ის რეჟისორი ჯორდან პილი იქნება.

სერიალის შემქმნელი დევიდ უეილია, რომელის კარიერაშიც ეს პირველი სატელევიზიო შოუა.

The Hunt-ში სიუჟეტი 1977 წელს ვითარდება და ნაცისტებზე მონადირეთა ბანდაზე მოგვითხრობს. ბანდა აღმოაჩენს, რომ მეორე მსოფლიო ომის დასრულების შემდეგ, ბევრმა ნაცისტმა თავი ამერიკას შეაფარა და მეოთხე რაიხის დაარსებას აპირებენ, სწორედ ამიტომ ისინი მიზნად მათ საბოლოო განადგურებას დაისახავენ.

ალ პაჩინო სერიალში ვეტერან ნაცისტებზე მონადირეს ითამაშებს, რომელიც ახალგაზრდებს ასწავლის, როგორ ებრძოლონ და გაანადგურონ ჰიტლერის მსახურები.

შოუში მთავარ როლს ლოგან ლერმანი შეასრულებს, რომელიც ცნობილია ისეთი ფილმებით, როგორებიცაა - The Perks of Being a Wallflower და Noah.

2003 წლის შემდეგ ეს ალ პაჩინოს კარიერაში პირველი პირველი სერიალი იქნება.

ამ ეტაპზე დამტკიცებულია შოუს მხოლოდ პირველი სეზონი, რომელშიც 10 ეპიზოდი იქნება.

უცნობია, თუ როდის დაიწყება შოუს გადაღება.