ახალ წლამდე სულ უფრო ცოტა დრო რჩება და სადღესასწაულო განწყობაც მატულობს.

ამ განწყობის ასამაღლებლად კი საუკეთესო საშუალება სახლის საზეიმოდ მორთვაა. თუ ჯერ კიდევ არ გადაგიწყვეტიათ, როგორ გააფორმოთ თქვენი ოთახები, ამაში ფილმები დაგეხმარებათ, სადაც ერთმანეთზე უკეთესი დიზაინი გვხვდება.

მიუხედავად იმისა, რომ რთულია ერთი-ერთში გაიმეორო ყველა დეტალი, ანალოგიური აურის შექმნა კი რთული სულაც არ არის.

სწორედ ამიტომ, გთავაზობთ 10 საუკეთესო დეკორაციას საახალწლო ფილმებიდან.

1. Home Alone

როცა საშობაო ფილმებზე მიდგება საქმე, პირველ რიგში სწორედ მარტო სახლში გვახსენდება. სურათში ყველა დეტალი იდეალურად არის გათვლილი, მათ შორის კი რა თქმა უნდა აღსანიშნავია სახლის ფასადი, რომელიც რამდენიმე ასეული ფერადი გირლანდით არის მორთული.

2. Elf

გამომდინარე იქიდან, რომ საქართველოს ბევრ ქალაქში საახალწლოდ თოვლი არც თუ ისე ხშირად მოდის, ეფექტის შესაქმნელად ბევრი თეთრი ფერის გამოყენება შეგვიძლია. ამის საუკეთესო მაგალითი კი ეს კინოსურათია, სადაც ხელით შექმნილი თეთრი საახალწლო დეკორაციები ნამდვილად ქმნის საზეიმო განწყობას.

3. How the Grinch Stole Christmas

მართალია გრინჩს შობის მოპარვა სურს, თუმცა ქალაქი რომელიც წლიდან წლამდე მხოლოდ ერთი იდეით ცხოვრობს - იდეალურად შეხვდეს შობას, ამის საშუალებას არ აძლევს. ამ ქალაქში თითოეული დეტალი სწორედ შობას უკავშირდება, ამის ყველაზე დიდი მაგალითი კი დეკორაციებია, რომელიც არავის დატოვებს გულგრილს.

4. The Holiday

გირლანდები, წვიმები და ფერადი ბურთები ძალიან კარგია, თუმცა არაფერს შემოაქვს იმაზე დიდი სიმყუდროვე, ვიდრე საკუთარი ხელით გაკეთებულ დეკორაციებს. ასე რომ, თუ თავისუფდალ 15 წუთს გამონახავთ, აუცილებალდ შეუდექით საქმეს და საახალწლო განწყობაც არ დააყოვნებს.

5. The Family Stone

ეს ფილმი საუკეთესო მაგალითია იმისა, თუ როგორ შეიძლება მოვაწყოთ საახალწლოდ სახლი ისე, რომ ერთდროულად იყოს მყუდროც და ლამაზი.

6. Harry Poter

მართალია ჯადოსნური ჯოხი არ გვაქვს და შესაბამისად, ჰარი პოტერის საშობაო დეკორაციებიც ჩვენთვის აუსრულებელი ოცნებასავით ჟღერს, თუმცა ის ნამდვილად იმსახურებს ამ სიაში ყოფნას.

7. Bridget Jones's Diary

ბრიჯიტ ჯონსისა და მისი საშობაო დეკორაციების ამბავი, ცალკე ისტორიაა. მინიმალისტურ სტილში გადაწყვეტილი სახლის მორთულობა ყველა იმ ადამიანის გამოადგება, ვისაც იმდენი დრო არ აქვს, რომ დიდი დრო დაუთმოს ჯერ ნაძვის ხის აწყობას, შემდეგ კი მის დაშლას.

8. You've Got Mail

ამ ფილმებიდან ერთ-ერთი საუკეთესო ნამდვილად არის თქვენთვის წერილია. მეგ რაიანის პერსონაჟის წიგნის მაღაზიის დეკორაციები კი ნამდვილად შეუდარებელია.

9. Wonder

ფილმის მთავარი ღირსება ჩაგვრის წინააღმდეგ ბრძოლაა, თუმცა შეუძლებელი იყო ამ კინოსურათის გარეშე შეგვედგინა სია. ნაძვის ხე, რომელიც ფილმის ერთ-ერთ სცენაში გვხვდება, ნამდვილად არის მაგალითი იმისა, თუ როგორ გამოიყურება იდეალურად მორთული ეს საშობაო ატრიბუტი.

10. Miracle On 34th Street

ფილმში იდეალურად არის ხაზგასმული ის, თუ რაოდენ დიდი მნიშვნელობა აქვს საშობაო სუფრას და ოჯახის ერთად შეკრებას. იმისთვის, რომ თქვენი სადღესასწაულო მაგიდაც ასე გამოიყურებოდეს, საჭირო მხოლოდ სანთლები, შობის ყვავილები და სახლში გამომცხვარი ნამცხვარია, რომლის სურნელიც მთელს სახლში კიდევ უფრო გაამძაფრებს ახალი წლის მოლოდინს.