51 წლის ლეგენდარული მსახიობის, ჯულია რობერტსის კარიერა 30 წელს ითვლის. ამ პერიოდის განმავლობაში კი არაერთი საინტერესო როლის შესრულება მოასწრო და ამერიკელების ყველაზე საყვარელ მსახიობადაც იქცა.

რობერტსის კარიერაზე ყველაზე დიდი გავლენა მოახდინა გარი მარშალის რომანტიკულმა კომედია ლამაზმანმა, რომელიც დღემდე ერთ-ერთი ყველაზე მაღალშემოსავლიანი რომანტიკული კომედიაა კინოს ისტორიაში თუმცა, ლამაზმანამდე რამდენიმე როლი უკვე ჰქონდა შესრულებული, მათ შორის იყო დღეს უკვე საკულტო სურათად აღიარებული - ფოლადის მაგნოლიები.

ერთ-ერთი პირველი როლი, რომელიც ჯულიამ შეასრულა, დონალდ პეტრის მისტიკური პიცაა. სწორედ აქედან დაიწყო ჯულიას სახელმა მსოფლიოს მასშტაბით დიდების ძიება და ზუსტად ამავე პერიოდს უკავშირდება ის დღე, როდესაც 21 წლის რობერტსმა გააანალიზა, რომ უკვე პოპულარული.

"დედასთან და დასთან ერთად ჯორჯიის შტატის ერთ-ერთ კინოთეატრში ვიყავი. ფილმის დასრულების შემდეგ, საპირფარეშოში შევედი და ამ დროს ერთი გოგო მომიახლოვდა, რომელმაც მკითხა მე ვიყავი თუ არა ის მსახიობი, რომელიც მისტიკურ პიცაში თამაშობდა", - იხსენებს ჯულია.

ახალგაზრდა ჯულიას მისმა პირველმა თაყვანისმცემელმა ავტოგრაფი სთხოვა და როგორც ჯულია ამბობს, სწორედ ამ დროს მიხვდა, რომ პოპულარულია.