პრეზდენტ გიორგი მარგველაშვილის სიძეს, მინდია გოგოჭურს აღკვეთის ღონისძიების სახით პატიმრობა შეეფარდა. გოგოჭურს ჯგუფურად ცეცხლსასროლი იარაღისა და საბრძოლო მასალის, მართლსაწინააღმდეგო შეძენა, შენახვის და დანაშაულის წინასწარ შეუპირებლად დაფარვა ედება ბრალად.

პროკურატურის განცხადებით, მინდია გოგოჭური 6 დეკემბერს თბილისში ამაშუკელის ქუჩაზე დააკავეს, სადაც იგი იფარებდა მძიმე დანაშაულისთვის ძებნილ პირს გ.რ.-ს.

უწყების განმარტებით, გოგოჭური და ძებნილი შეეცადნენ ცეცხლსასროლი იარაღისა და საბრძოლო მასალის განადგურებას, რის გამოც მათ კანონსაწინააღმდეგო ნივთები საცხოვრებელი კორპუსის აივნიდან გადაყარეს.

პრეზიდენტის სიძისთვის საქართველოს სისხლის სამართლის კოდექსის 236-ე მუხლის მესამე ნაწილით და მეექვსე ნაწილის "ა" ქვეპუნქტით და 375-ე მუხლის მეორე ნაწილით წარდგენილი ბრალდება, სასჯელის სახედ და ზომად 8-დან 11 წლამდე თავისუფლების აღკვეთას ითვალისწინებს.