რუსეთის მოსახლეობის 61 პროცენტს მიაჩნია, რომ ქვეყნის პრობლემებზე პასუხისმგებლობა პრეზიდენტ ვლადიმერ პუტინს ეკისრება. აღნიშნული კვლევა ლევადა-ცენტრმა გააკეთა.

კვლევის მიხედვით, მოსახლეობის მხოლოდ 10 პროცენტს მიაჩნია, რომ პუტინი ყველაფერს სწორად აკეთებს და თუ რამე პრობლემა არსებობს კორუმპირებული ჩინოვნიკების ბრალია. 6 პროცენტს მიაჩნია, რომ ყველაფერში დამნაშავე "ობიექტური გარემოებებია". ერთი წლის წინ, ამავე კვლევის მიხედვით, პრეზიდენტის პასუხისმგებლობაზე მხოლოდ 55 პროცენტი საუბრობდა.

საპრეზიდენტო არჩევნების უახლოეს კვირას ჩატარების შემთხვევაში ვლადიმერ პუტინს ხმას მოსახლეობის 56 პროცენტი მისცემს. 2018 წლის მარტის საპრეზიდენტო არჩევნებში ვლადიმერ პუტინმა 77 პროცენტი მიიღო.