ქართველი მუსიკოსი ვაჟა მანია მონაწილეობას იღებს 2019 წლის America's Got Talent-ში.

ჯაზის შემსრულებელმა ამის შესახებ საკუთარ ფეისბუქზე დაწერა:

"ამერიკული ნიჭიერის 2019 წლის შესარჩევ კონკურსში ვმონაწილეობ, იღბალი მისურვეთ და დარჩით ხაზზე!".

ვაჟა მანია წლებია, რაც ამერიკაში ცხოვრობს და მოღვაწეობს. 2017 წელს ის მონაწილეობდა ნიუ-იორკის საერთაშორისო ჯაზ-ფესტივალის კონკურსში, სახელად Made In New York Jazz Competition და ფინალშიც მოხვდა.

2009 წელს, ვაჟა მანია მონაწილეობდა ქართულ მუსიკალურ კონკურსში ჯეოსტარი, სადაც ის ფინალისტი იყო, თუმცა პროექტში გამარჯვება ნოდიკო ტატიშვილმა მოიპოვა.