ინტერპოლის პრეზიდენტი, მენ ჰუნვეი, რომლის დაკარგვასაც საფრანგეთის პოლიცია იძიებდა, ჩინეთშია დაკავებული. ინფორმაციას NY Times ავრცელებს.

ჩინეთის კომუნისტური პარტიის განცხადებით, ჰუნვეის წინააღმდეგ გამოძიებაა დაწყებული კანონდარღვევის გამო. დამატებით დეტალებზე გამოძიება არ საუბრობს.

ინტერპოლის პრეზიდენტის დაკარგვის შემდეგ, 6 ოქტომბერს ინტერპოლმა ჩინეთის ხელისუფლებას მენ ჰუნვეის შესახებ ინფორმაციის მიწოდების მოთხოვნით მიმართა.

Independent-ის ინფორმაციით, ჰუნვეის გაუჩინარების შესახებ საფრანგეთის პოლიციას მისმა მეუღლემ აცნობა. ჰუნვეი ოჯახთან ერთად საფრანგეთში, ლიონში ცხოვრობდა. 29 სექტემბერს ის ჩინეთში გაემგზავრა, რის შემდეგაც ოჯახს მისგან შეტყობინება აღარ მიუღია.