ქართული ოცნების თავმჯდომარემ, ბიძინა ივანიშვილმა განაცხადა, რომ სალომე ზურაბიშვილის გაპრეზიდენტება კარგად განასახიერებს საქართველოს "დღევანდელ ევროპელობას". ამის შესახებ ივანიშვილმა პარტიის საგანგებო შეკრებაზე ისაუბრა.

"ჩემთვის არის ეს ქალბატონი სიმბოლო ჩვენი უახლოესი ისტორიის. პირველი ემიგრაციის წარმომადგენელი, დიდი ნიკო ნიკოლაძის შთამომავალი. ქალბატონი ჩვენს დიდ ისტორიასა და ხანგრძლივ ისტორიასაც ძალიან კარგად ეხმაურება, რომ ჩვენ მე-12 საუკუნეში გვყავდა ქალბატონი, რომელიც სახელმწიფოს მართავდა", — განაცხადა ივანიშვილმა.

ივანიშვილმა მოუწოდა პარტიის წევრებს, რომ მაქსიმალურად გამოავლინონ შესაძლებლობები და მხარში დაუდგნენ ზურაბიშვილს. მისი თქმით, ზურაბიშვილი აუცილებლად გაიმარჯვებს.

ქართული ოცნების საგანგებო შეხვედრა მას შემდეგ დაიგეგმა, რაც პარლამენტის თავმჯდომარის, ირაკლი კობახიძის სახელით შეტყობინება გავრცელდა, რომელშიც ეწერა რომ სალომე ზურაბიშვილის ნაცვლად მხარს პარტია გირჩის საპრეზიდენტო კანდიდატს, ზურაბ ჯაფარიძეს უჭერენ. მართველი პარტიის განცხადებით, ეს შეტყობინება ყალბი ექაუნთით გავრცელდა.

ამავე თემაზე: