myvideo.ge-მ დღეს, 12 სექტემბერს რუსთავი 2-სა და იმედის ექვსივე არხის რეტრანსილირება შეწყვიტა. საუბარია ტელეკომპანიებზე: რუსთავი 2, მარაო, კომედი არხი, იმედი, მაესტრო და GDS.

სატელევიზიო არხები myvideo.ge-სგან პროგრამების რეტრანსილირების სანაცვლოდ ანაზღაურებას ითხოვდნენ და ამ მიზნით კომპანია მედია რაითს ჯორჯია 2017 წლის 26 აპრილს დააფუძნეს.

მედია რაითს ჯორჯიასა და ტელეკომპანია მაესტროს დირექტორი, ზურაბ ნაყეური On.ge-სთან საუბრისას myvideo.ge-ს მიღებული გადაწყვეტილებისთვის მადლობას უხდის.

On.ge myvideo.ge-სგან ამ საკითხზე კომენტარის მიღებას ცდილობს, რომელიც მასალაში მოგვიანებით აისახება.

გასული წლის პირველ დეკემბერს myvideo.ge აცხადებდა, რომ იმედმა, მაესტრომ, ჯიდიესმა, რუსთავი 2-მა, კომედი არხმა და მარაომ მათ ორი პირობა წაუყენეს:

  • გადაიხადონ რეტრანსლირების საფასური;
  • წინააღმდეგ შემთხვევაში საერთოდ გაითიშოს ეს არხები ვიდეოპორტალიდან.

myvideo.ge აღნიშნულს "კარტელური გაერთიანებად" აფასებდა და მიიჩნევდა, რომ ის ეწინააღმდეგება საქართველოს კანონს კონკურენციის შესახებ. წერილის ავტორები ასევე აღნიშნავდნენ, რომ ულტიმატუმის ენით მოლაპარაკებების წარმართვა ასევე ეწინააღმდეგებოდა საქართველოს კანონს მაუწყებლობის შესახებ.

myvideo-ს წარმომადგენლები მიიჩნევდნენ, რომ ამ ექვს არხზე საფასურის დაწესების შემთხვევაში, მომხმარებლები მათ საყურებლად სააბონენტო გადასახადს არ გადაიხდიან. თავად ვიდეოპორტალი კი არ აპირებდა ტელევიზიების ულტიმატუმის მიღებასა და მათი სიგნალის გათიშვას.

ამავე თემაზე: