თავისუფალი დემოკრატების ლიდერი ირაკლი ალასანია გორში იყრის კენჭს მაჟორიტარობის კანდიდატად. ამის შესახებ თავისუფალი დემოკრატების ლიდერმა დღეს, გორში გამართულ ბრიფინგზე განაცხადა:

"მე როგორც პარტიის თავმჯდომარემ, ჩემს თანამებრძოლებთან, მას შემდეგ, რაც გორში გამოგვაკლდა თანამებრძოლი მივიღე შემდეგი გადაწყვეტილება - მე პირადად ვიყრი გორში კენჭს, როგორც მაჟორიტარობის კანდიდატი".

ალასანიას თქმით, გორში უკვე წარდგენილი კანდიდატმა, თამაზ შიოშვილმა, პოლიტიკიდან წასვლის გადაწყვეტილება მიიღო:

"გუშინ მე მქონდა შეხვედრა ჩვენს უკვე წარდგენილ კანდიდატთან გორიდან, თამაზ შიოშვილთან. თამაზი ჩემი დიდი ხნის მეგობარია. მან გუშინ მიიღო გადაწყვეტილება და მითხრა, რომ პოლიტიკიდან აპირებს წასვლას".

ალასანიას თქმით, გადაწყვეტილება ერთხმად მიიღეს და თავისუფალი დემოკრატების კამპანიის წარმატებაც ამ გადაწყვეტილებაზე იქნება დამოკიდებული.