გრეის ანატომია ჩვენი დროის ერთ-ერთი ყველაზე წარმატებული სერიალია. მისი შემქმნელი კი შონდა რაიმსია, რომელმაც მოახერხა და 15 წლის წინ შექმნა შოუ, რომელმაც დროს გაუძლო და დღემდე პოპულარულია.

გრეის ანატომიის ფანებმა კარგად იციან, რომ შოუს ბევრ კარგთან ერთად, ერთი ძალიან ბნელი მხარეც აქვს და მას საყვარელი პერსონაჟების სიკვდილი ან შოუდან წასვლა ჰქვია.

წლიდან წლამდე შონდა რაიმსმა შოუს რამდენიმე პერსონაჟი ისე სასტიკად მოკლა, ისე გაწირა, რომ ყველა გაოცებული დარჩა. სწორედ ამიტომ, მას ბევრი GOT-ის შემქმნელ, ჯორჯ მარტინსაც ადარებს, რომელსაც ანალოგიურად, არ ეზარება და საყვარელ პერსონაჟებს პანტა-პუნტით ხოცავს.

როგორც აღმოჩნდა, შონდა შეწუხდა მისი მისამართით გაჟღერებული ბრალდებებით და გადაწყვიტა პასუხი გაეცა მათთვის, ვინც გრეის ანატომიის პერსონაჟების მკვლელობაში ადანაშაულებს.

"მინდა ერთი საიდუმლო გითხრათ, გრეის ანატომიის სცენარის შექმნაში ამ ეტაპზე ჩართული აღარ ვარ. მას კრისტა ვერნოფი წერს და თუ ვინმე ისევ მოკვდება, შეგიძლიათ მას დააბრალოთ", - ამბობს შონდა.

კი ბატონო შონდა, ამიერიდან მასაც მოვკითხავთ ჩვენი საყავრელი პერსონაჟების ბედს, მაგრამ წინა წლებში ხომ შენ მოკალი ჯორჯი, დერეკი, მარკი და კიდევ ვინ მოსთვლის რამდენი პერსონაჟი?! ხოდა ასე მარტივად ვერ დაუძვრები ფანებს.

რაც შეეხება გრეის ანატომიას, მისი მე-15 სეზონის გადაღებები უკვე დაიწყო, პრემიერა კი 27 სექტემბერს შედგება.