გუშინ Emmy 2018-ის ნომინანტთა ვინაობა გახდა ცნობილი, მათ შორის კი აღმოჩნდა გრეის ანატომიის ყოფილი ვარსკვლავი სანდრა ო, რომელმაც საუკეთესო ქალი მსახიობის ნომინაცია მიიღო დრამატულ სერიალში შესრულებული როლისთვის.

სანდრამ სერიალში Killing Eve ბრწყინვალედ ითამაშა და რა თქმა უნდა ეს ნომინაციაც დაიმსახურა, თუმცა ეს ნამდვილად არ არის ერთი რიგითი ნომინაცია.

სანდრა ო პირველი აზიელი ქალია, რომელიც საუკეთესო მსახიობი ქალის ნომინაციაზე წარადგინეს დრამატული სერიალის კატეგორიაში. დიახ, ემის 70-წლიან ისტორიაში, არასდროს არც ერთი აზიური წარმომავლობის მსახიობი არ მოხვედრილა ამ კატეგორიაში.

რაც შეეხება სანდრა ოს, ის მეორეხარისხოვანი როლისთვის უკვე იყო ნომინირებული ემიზე სერიალ გრეის ანატომიაში განსახიერებული კრისტინა იანგის პერსონაჟით.