განახლება: სამგორის ბაზრის მიმდებარედ გაჩენილი ხანძარი ამ დროისთვის ლოკალიზებულია. საგანგებო სიტუაციების მართვის სამსახურის ცნობით ცეცხლი საბურავებს გაუჩნდა.

თბილისში, სამგორის მეტროს მიმდებარე ტერიტორიაზე ხანძარია. ამის შესახებ On.ge-ს ადგილობრივმა აცნობა. მისივე თქმით, ცეცხლი ხეებს უკიდია, თუმცა საცხოვრებელთან ახლოსაა და გავრცელების საშიშროება არსებობს.

On.ge-ს საგანგებო სიტუაციების მართვის სამსახურში განუცხადეს, რომ ცეცხლი სავარაუდოდ სამგორის ბაზრობას გაუჩნდა, თუმცა On.ge-ს ჟურნალისტი ადგილიდან იუწყება, რომ ცეცხლი ბაზრობის გვერდით მდებარე ტერიტორიას უკიდია.