ჩრდილოეთ საფრანგეთში ეკლესიაში ორი თავდამსხმელი მესის დროს შეიჭრა და 84 წლის მღვდელი ჯეიქუს ჰამელი მოკლა. მასთან ერთად მძევლად იყო აყვანილი კიდევ ოთხი ადმიანი. პოლიციამ დამნაშავეებს ცეცხლი გაუხსნა, რის შედეგადაც ორივე მათგანი მკვდარია. მომხდარზე პასუხისმგებლობა უკვე აიღო ტერორისტულმა დაჯგუფება ისლამურმა სახელმწიფომ.

პრეზიდენტი ფრანსუა ოლანდი ასევე აცხადებს, რომ თავდამსხმელები დაჯგუფება ისლამური სახელმწიფოს წარმომადგენლები იყვნენ. მან აღნიშნა, რომ საფრანგეთი მსგავსი ქმედებების წინააღმდეგ ყველანაირი საშუალებით იბრძოლებს.

პაპმა ფრანცისკემ მომხდარი დაგმო და მას "მტკივნეული, საშინელი და აბსურდული ძალადობა" უწოდა.

საფრანგეთის შინაგან საქმეთა სამინისტროს სპიკერი პიერ ანრი ბრანდეტი აცხადებს, რომ ოთხი მძევლიდან ერთ-ერთი მძიმედაა დაჭრილი. ისინი პოლიციის შეჭრისთანავე გაათავისუფლეს, თუმცა ამ დროს მღვდელი უკვე მოკლული იყო. მას ყელი დანით ჰქონდა გამოჭრილი.