სახელმწიფო უსაფრთხოების სამსახური უარყოფს, რომ ზაზა სარალიძის ცოლს მათი თანამშრომლები დაყვებიან. ამის შესახებ On.ge-ს უწყებაში განუცხადეს.

ხორავას ქუჩაზე მოკლული მოზარდის მამამ, ზაზა სარალიძემ დღეს, 10 ივნისს აქციაზე #ნუმომკლავ თქვა, რომ მის ცოლს სახელმწიფო უსაფრთხოების სამსახურის თანამშრომლები ყველგან დაყვება.

რუსთაველის გამზირზე აქცია #ნუმომკლავ, რომელიც ხუთ საათზე დაიწყო ამ წუთებშიც მიმდინარეობს. აქციას ოპოზიციური პარტიის ლიდერები უერთდებიან. ზაზა სარალიძემ ცოტა ხნის წინ, სიტყვით გამოსვლისას შინაგან საქმეთა მინისტრის, გიორგი გახარიასა და იუსტიციის მინისტრის, თეა წულუკიანის გადადგომა მოითხოვა.

ფოტო: გიორგი შეყელაძე / On.ge