ემა ტომფსონი ჩვენი დროის ერთ-ერთი ყველაზე ნიჭიერი მსახიობია. ორი ოსკარის შემდეგ კინოკრიტიკოსები მას ახალი როლით უწინასწარმეტყველებენ, რომ შესაძლოა დოლბის თეატრის სცენაზე პრიზის მისაღებად მესამედ ავიდეს.

The Children Act - ასე ჰქვია ახალ კინოსურათს, რომელიც ეკრანზე 24 აგვისტოს გამოვა.

ფილმის სიუჟეტი მოსამართლე ფიონა მეის გარშემო ვითარდება, რომელსაც გადატვირთული გრაფიკის გამო პირად ცხოვრებაში დიდი პრობლემები აქვს. პარალელურად კი უწევს ერთ-ერთი ყველაზე გახმაურებული და სადაო საქმის შესახებ გადაწყვეტილება მიიღოს.

ჯერ კიდევ არასრულწლოვან ბიჭს, რომელსაც ლეიკემია აქვს, სისხლის გადასხვმა ესაჭიროება, მისი რელიგია კი ამ ყველაფერს კრძალავს და მშობლები ამის გამო მკურნალობაზე უარს აცხადებენ. სწორედ ამიტომ, ემას პერსონაჟი გადაწყვეტს ბიჭს და მის მშობლებს გადაწყვეტილების მიღებაში დაეხმაროს.

ემა ტომფსონმა პირველი ოსკარი 1993 წელს, საუკეთესო მსახიობი ქალის ნომინაციაში მიიღო, ხოლო მეორე 1996 წელს საუკეთესო ადაპტაციის კატეგორიაში.