ანჯელინა ჯოლი სულ უფრო და უფრო აქტიურად უბრუნდება სამსახიობო კარიერას. ამჯერად ის დევიდ ოიელოუოსთან ერთად ახალ ფანტასტიკურ დრამაში, Come Away, მიიღებს მონაწილეობას.

ფილმის სცენარის ავტორი და რეჟისორი პიქსარის პოპულარული ანიმაციის, Brave-ის ერთ-ერთი შემქმნელი ბრენდა ჩაპმანი იქნება.

კინოსურათის სიუჟეტი ორი მშობლის შესახებ მოგვითხრობს, რომელთა სამი შვილიდანაც ერთი ტრაგიკულად იღუპება. სწორედ ამ დროს, დარჩენილი ორი შვილი ცდილობს მშობლებს ცხოვრების ახალი მიზეზი მისცეს და ამისთვის ზღაპრულ სამყაროს იყენებენ. ბავშვები ამისთვის "პიტერ პენისა" და "ელისი საოცრებათა ქვეყანაში" თემას იყენებენ და ჯოლისა და ოიელოუოს პერსონაჟებიც ამ ორი ისტორიის გარშემო ერთიანდებიან - ისინი საოცრებათა სამყაროში მოგზაურობენ და ბავშვობის დაბრუნებაზე ოცნებობენ, საბოლოოდ კი ზღვარი რეალურსა და არარეალურს შორის იშლება.

ფილმის გადაღებები დიდ ბრიტანეთსა და ლოს-ანჯელესში, შემოდგომაზე დაიეწყება.