ალბათ ფიქრობთ, რომ საათივით აწყობილ ქვეყანაში, როგორიც ამერიკაა, ცხოვრება ყოველგვარი შეცდომებისა თუ გაუთვალისწინებელი შემთხვევების გარეშე მიდის, მაგრამ ძალიან ცდებით.

საქმე ის არის, რომ აშშ-ს ერთ-ერთ შტატში, ფლორიდის მოსახლეობამ "დროშა ვერ დაკიდენ"-ზე გაცილებით უარესი რამ იწვნია და უცნაური, ძალიან საშიში შეტყობინება მიიღო.

ოფიციალურ შეტყობინებაში, რომელსაც ქალაქის მცხოვრებლებისთვისს 30 წუთით ელექტრო ენერგიის გათიშვა უნდა ეცნობებინა, სულ სხვა რამ ეწერა და მათ ზომბების მოსალოდნელი შემოსევის შესახებ აფრთხილებდა.

დიახ, 7000-ზე მეტ ადამიანს, სწორედ მსგავსი აპოკალიფტური შინაარსის გაფრთხილება გაუგზავნეს.

გაუთვალისწინებელმა შეცდომამ ხალხში დიდი დაბნეულობა გამოიწვია, რის გამოც, ქალაქის მერიის წარმომადგენელს, შეტყობინებებით გავრცელებული ცრუ ინფორმაციის ოფიციალურად უარყოფა და განმარტების გაკეთებაც კი მოუწია.

"არანაირი საფრთხე არ არსებობს, მით უმეტეს, არც ზომბების შემოსევა გვემუქრება" - განაცხადა ბენ ქერიმ.