გუგლმა თავისი სმარტფონების უახლესი მოდელების დიზაინი შემთხვევით გაავრცელა. საქმე ისაა, რომ რამდენიმე დღის წინ კომპანიამ ახალი Android P-ს ბეტა ვერსია გამოუშვა, რომლის დაყენების დროსაც ერთ-ერთი სმარტფონის ილუსტრაცია არ შეესაბამება აქამდე არსებულ მოდელებს. ტექნოლოგიური სფეროს ექსპერტებს სჯერათ, რომ ილუსტრაცია ახალი Pixel 3-ისა და 3XL-ის დიზაინს ასახავს, თუმცა ამის შესახებ ოფიციალური დადასტურება ჯერჯერობით არ არსებობს.

მათ, ვინც Android P-ს იყენებთ და ბეტა ვერსიის დატესვა გსურთ, შეგიძლიათ თავადაც დარწმუნდეთ ამაში. ამისათვის საჭიროა შეხვიდეთ Setting-ებში, შემდეგ Sounds და ბოლოს Shortcut to Prevent Ringing-ზე გადადით. თქვენს ეკრანზე გამოჩნდება სპეციალური ილუსტრაცია, რომელიც სისტემის ახალ ფუნქციებს გაგაცნობთ. სწორედ ამ დროს ჩანს ტელეფონის ახალი მოდელი, რომელიც ჯერ არ გამოსულა.

ეს ილუსტრაცია არაერთ კითხვას აჩენს. მაგალითად, სად არის წინა კამერა? არის თუ არა ეს მოდელი მთლიანად ეკრანი და ექნება თუ არა მას კუნძულები? სად ექნება მას მიკროფონი და დინამიკები?

ამ კითხვებზე პასუხს უახლოეს მომავალში გავიგებთ. გუგლი ახალ სმარტფონს, სავარაუდოდ, მსოფლიო დეველოპერების კონფერენციაზე წარადგენს.