ალაბამაში, ფესტივალზე გამართული შესრულებისას, ამერიკელმა რეპერმა, კენდრიკ ლამარმა, ფანი სცენაზე მიიწვია, რომ ერთად ემღერათ მისი ახალი ალბომიდან სიმღერა, M.A.A.D City.

თუმცა, ფანმა, რომელიც თეთრკანიანი ქალი იყო, სიმღერისას რამდენჯერმე გამოიყენა რასისტული N-სიტყვა.

ამას მსმენელის უკმაყოფილება მოჰყვა, რის შემდეგაც ლამარმა ქალს სიმღერა შეაწყვეტინა.

"ნუთუ საკმარისად კარგად არ ვმღერი? რა ხდება?" - იკითხა ფანმა, რომელმაც ვერ გაიგო, რატომ შეაწყვეტინეს სიმღერა. თუმცა რეპერმა აუხსნა, რომ სიტყვის გამოყენება შეურაცხმყოფელი იყო და ის სიმღერისას არ უნდა წარმოეთქვა.

მოგვიანებით ფანმა ბოდიში მოიხადა, კენდრიკმა კი მეორე შანსი მისცა, კიდევ ერთხელ ემღერა სიმღერა მასთან ერთად.