დღეს კვირაა და როგორც უკვე მიხვდით, ყველასთვის საყვარელი უქმე დღეებიც იწურება. რაც იმას ნიშნავს, რომ ხვალ ორშაბათია და წინ აქტიური, დამღლელი სამუშაო პროცესი, ახალი პრობლემები და მნიშვნელოვანი გამოწვევები გელოდებათ.

იმისთვის, რომ თავი ყველაფერს გაართვათ, გეტყვით 5 რამეს, რაც ორშაბათს, დილიდან გელოდებათ და უმჯობესია კვირა საღამოს კარგად გახსოვდეთ.

1. ადრე გაღვიძება

სრულ კომფორტსა და გართობაში გატარებული შაბათ-კვირის შემდეგ, რა თქმა უნდა, რთულია რეჟიმში ჩაჯდე და დილის რვა საათზე გაიღვიძო. ამიტომ, ორშაბათ დილას უმიზეზო დაღლილობისა და დისკომფორტის თავიდან ასაცილებლად გირჩევთ, რომ კვირა საღამოს სასმელსა და გვიან დაძინებაზე უარი თქვათ.

2. ნარჩენი პროდუქტებით მომზადებული საუზმე

ფოტო: poor man's breakfast

ამოწურული პროდუქტების შევსებით თავი არც ამ უქმეებზე შეიწუხეთ? მაშინ შეეგუეთ იმ სამწუხარო ფაქტს, რომ თქვენი საუზმე ძალიან უბრალო იქნება. თუმცა არაუშავს, ჭკუას ისწავლით და მომავალი უქმეებისთვის უკეთ მოემზადებით.

3. მონატრებულ თანამშრომლებთან შეხვედრა

ფოტო: ourwindsor

გამოუძინებელი ან ნაბახუსევზე ხართ? ძალიან ცუდია, რადგან ორშაბათ დილას მონატრებულ თანამშრომლებთან მოგიწევთ შეხვედრა. მათ მოსაყოლი ბევრი დაუგროვდათ და თქვენთან კითხვებიც ექნებათ. მოკლედ კარგი იქნება თუ ადამიანების განწყობის გაფუჭების მიზეზი კიდევ ერთხელ არ გახდებით.

4. ლექციები ან გაკვეთილები

ფოტო: Eight Sleep

თუ სკოლის მოსწავლე ხართ ან უკვე უნივერსიტეტში სწავლობთ, დროა რამდენჯერმე გადადებულ სამეცადინო მასალას მიუბრუნდეთ და საქმე ბოლომდე მიიყვანოთ. წინააღმდეგ შემთხვევაში არც თუ წარმატებული ორშაბათი გექნებათ, რამაც სწავლისა და მომზადების მოტივაცია შეიძლება მთელი კვირით გაგიქროთ.

5. ძაღლის გასეირნება

ფოტო: BarkPost

სახლში ძაღლი გყავთ და თან ყველა საშინაო პრობლემის მოგვარება მარტოს გიწევთ? გვესმის, მაგრამ ცოტაც მოითმინეთ და სახლიდან საბოლოოდ გასვლამდე თქვენი ოთხფეხა მეგობარი 10-15 წუთით მაინც გაასეირნეთ. ნუ დაუშვებთ გამოუსწორებელ შეცდომას და ისე ნუ იზამთ, რომ საღამოს სახლში დაბრუნებულს ძალიან უსიამოვნო საჩუქარი დაგხვდეთ.