კანის ახალგაზრდულ ფესტივალზე რეგისტრაცია დაიწყო. ინფორმაცია კანის ლომების ფესტივალის ქართულ ფეისბუქ გვერდზე ვრცელდება.

მონაწილეობა 5 კატეგორიაშია შესაძლებელი. რეგისტრაციის ლინკების სანახავად, დააკლიკეთ კატეგორიების სახელებს.

  1. ბეჭდური რეკლამა
  2. დიზაინი
  3. ციფრული კამპანია
  4. ფილმი
  5. მარკეტერები

პირველ ოთხ კატეგორიაში მონაწილეობის მიღება მხოლოდ მოქმედ სააგენტოებს შეუძლიათ, მეხუთე კატეგორიაში კი, ნებისმიერ კომპანიას შეუძლია დარეგისტრირება.

"გთხოვთ, რეგისტრაცია დაასრულოთ დათქმულ დროს - 2 მაისამდე. თუ ამ დროისათვის არ გეყოლებათ გუნდები დაკომპლექტებული, შეგიძლიათ შეავსოთ მხოლოდ სააგენტოს/კომპანიის სახელით და მონაწილეების სახელებსა და გვარებში ჩაწეროთ TBA, რათა ზუსტად ვიცოდეთ გუნდების რაოდენობა, ხოლო მონაწილეთა ვინაობა არ იქნება საჩქარო კონკურსის ჩატარებამდე 2 დღით ადრე", - წერია პოსტში.

კონკურსი 12-13 მაისს გაიმართება.

"კანის ლომები" საერთაშორისო ფესტივალია, რომელიც საფრანგეთში 1954 წლიდან, ყოველწლიურად ტარდება. სარეკლამო ინდუსტრიის ამ უმნიშვნელოვანეს ღონისძიებაში საქართველომ მონაწილეობა პირველად 2015 წელს მიიღო.