როგორც აღმოჩნდა, ამერიკელი მსახიობი სანდრა ბულოკი მარველის კიმოქსის მიხედვით გადაღებული Black Panther-ის დიდი ფანია.

მსახიობმა, რომელმაც რამდენიმე წლის წინ შავკანიანი ბავშვები იშვილა, ინტერვიუს დროს, ემოციები ვერ შეიკავა და კინოკომპანიას ფილმის გადაღებისთვის მადლობა გადაუხადა.

"ოსკარის კულისებში "შავი პანტერას" გუნდს შევხვდი და ემოციებისგან ვიტირე. ეს ფილმი ჩემთვის, როგორც ქალისთვის და როგორც დედისთვის, ძალიან ბევრს ნიშნავს. დიდი მადლობა მარველს ამისთვის. 5 წლის წინ, ჩემი შვილი მეკითხებოდა, იყიდებოდა თუ არა სადმე ლეგოს ყავისფერი სათამაშოები და მე ვუთხარი, რომ კი, ამის შემდეგ ავდექი და სპაიდერმენი და ლეგოს სათამაშოები ჩემი ხელით შევღებე ყავისფრად. ახლა, მარველის წყალობით აღარ მიწევს ამის გაკეთება. ჩემ შვილს თავისი გმირი უკვე ჰყავს", - ყვება მსახიობი.

მარველის Black Panther უკვე ოფიციალურად შეუერთდა იმ ფილმებს, რომლებმაც კინოგაქირავებაში მილიარდ დოლარს გადააჭარბეს.

ფილმის პრემიერა თებერვალში შედგა და მას შემდეგ ის კინოგაქირავების ლიდერია და მხოლოდ 26 დღეში მოახერხა მილიარდიანი შემოსავლის დაგროვება.

ფილმში მთავარ როლებს ჩედვიკ ბოსმანი, ლუპიტა ნიონგო, მაიკლ ბ. ჯორდანი, ანგელა ბესეტი და მარტინ ფრიმენი ასრულებენ.

შავი პანტერა მარველის კომიქსების პერსონაჟია, რომელიც მწერალმა სტენ ლიმ და მხატვარმა ჯეკ კირბიმ შექმნეს.

შავი პანტერა პირველად ფანტასტიკური ოთხეულის კომიქსების 52-ე ნომერში გამოჩნდა, შემდეგ კომიქსები მის შესახებაც შეიქმნა.

რაც შეეხება ფილმებს, პანტერას პერსონაჟი პირველად ფილმში კაპიტანი ამერიკა: სამოქალაქო ომი გამოჩნდა.