პარლამენტის თავჯდომარე, დავით უსუფაშვილი ქართული ოცნების წევრების იმ განცხადებებს ეხმაურება, რომლებიც გიგი წერეთლის ეუთოს საპარლამენტო ასამბლეის პრეზიდენტად არჩევას უკავშირდება. ის განმარტავს, რომ აღნიშნულ თანამდებობაზე წერეთლის არჩევა არ ნიშნავს იმას, რომ საქართველოს არჩევნები მიხეილ სააკაშვილს გადაელოცება.

უსუფაშვილმა განმარტა, რომ როდესაც პოლიტიკური ფრაქციული პოლიტიკა უკავია ამა თუ იმ პირს, მას შეუძლია იყოს მიკერძოებული და უნდა იყოს მიკერძოებული. მისი თქმით, როდესაც ინსტიტუციის ხელმძღვანელის ფუნქცია ეკისრება პირს, მას დამატებითი ბარიერები უჩნდება თავისივე კოლეგების მხრიდან, რომ არ იყოს ისეთი მიკერძოებული, როგორიც უნდა იყოს.

მისი თქმით, საერთშორისო პოლიტიკა უფრო მეტ დაფიქრებას და სიღრმეში ჩახედვას მოითხოვს იმისთვის, რომ საკუთარ ინტერესს მივაღწიოთ:

"ხმა მივეცი ქალბატონ მუტონენს, რაც შეეხება დანარჩენ თემებს, მე ყველას ვუსურვებ ცოტა უფრო ღრმად გაერკვეს საკითხებში, როდესაც საფრთხეებზე საუბრობს. EPP-ის ფრაქციის ხელმძღვანელი წერეთელი გაცილებით თავისუფალია თავის ქმედებებში, ვიდრე ვიცე პრეზიდენტი წერეთელი ამავე ორგანიზაციაში".

გუშინ ქართული ოცნების ნაწილმა განაცხადა, რომ შესაძლოა ევროპის სახალხო პარტია რუსეთს გაურიგდა იმისთვის, რომ ეუთოს პრეზიდენტად გიგი წერეთლის არჩევის სანაცვლოდ ევროპის საბჭოში რუსეთისთვის ხმის მიცემის უფლება აღადგინონ.