"250 ლარი საარსებო მინიმუმი - 300 ლარი პენსია - 500 ლარი მინიმალური ხელფასი", - თავისუფალმა დემოკრატებმა საარჩევნო ეკონომიკური პროგრამის პრეზენტაცია წარმოადგინეს და ამომრჩეველს მათი სამი ძირითადი აქცენტი გააცნეს.

პარტიის განცხადებით, მათი შემოთავაზებაა ახალი სტანდარტები სამ ძირითად სეგმენტში და ესენია პენსია, ხელფასი და საარსებო მინიმუმი.

თავისუფალი დემოკრატების დაპირებით, დღეს არსებული 160 ლარის ნაცვლად მათ განსაზღვრეს აუცილებელი საარსებო მინიმუმი 250 ლარით:

მათი განცხადებით, პენსია გახდება 300 ლარი და ინფლაციის შესაბამისად გაიზრდება. ასევე, კანონით განსაზღვრული მინიმალური ხელფასი იქნება 500 ლარი:

"ვეღარავინ ამუშავებს ჩვენს მოქალაქეს საათში 3 ლარზე ნაკლებად. საქართველოს ექნება უკეთესი ეკონომიკა. ჩვენ ვიღებთ ვალდებულებას, რომ 4 წლის განმავლობაში გავზრდით ბიუჯეტს სულ მცირე 4 მილიარდით".