სტატიის მთავარ ფოტოზე გამოსახულია ყველაზე სექსუალური რობოტის პირველადი სახე, თუმცა დასკვნების გამოტანას ნუ იჩქარებთ. ის გაცილებით უფრო ლამაზია, ვიდრე ამ ფოტოზე ჩანს.

კომპანია RealDoll's-მა და RealBotix-მა ახალი სექს-რობოტის გამოშვება დააანონსა. მართალია, სექს-რობოტი 2017 წელს უნდა გამოსულიყო, თუმცა პროექტის დასრულება დროულად ვერ მოხერხდა. მიუხედავად ამისა, კომპანია აგრძელებს მუშაობას და სულ მალე დედამიწას პირველი სრულყოფილი სექს-რობოტი მოევლინება.

ჰარმონია - ასე ქვია ახალ რობოტს, რომელიც ხელოვნური ინტელექტის გამოყენებით მუშაობს. მის სამართავად პირველ რიგში თქვენს სისტემაზე მორგებული აპლიკაციის გადმოწერაა საჭირო. აპლიკაცია საშუალებას მოგცემთ სექს-რობოტის თვისებები მაქსიმალურად გამოიყენოთ.

ჰარმონიას შემქმნელები ფიქრობენ, რომ სექს-რობოტი იქნება იდეალური სექსუალური პარტნიორი ნებისმიერი ადამიანისთვის. მას აქვს სილიკონისგან დამაზადებული გლუვი ზედაპირი, რომელიც ადამიანის კანის იმიტაციას ქმნის. ხელს თუ შეახებთ, განსხვავების პოვნა ძალიან გაგიჭირდებათ. ის ძალიან ადამიანურია - მას შეუძლია თქვენთან საუბარი, თქვენი კოცნა, სექსუალური მოთხოვნილებების დაკმაყოფილება და სხვ.

ჰარმონიას ერთ-ერთი შემქმნელი ამბობს, რომ სექს-რობოტი აქამდე არსებული რობოტებისგან ძალიან გამორჩეულია. მას აქვს იუმორის კარგი გრძნობა, არის სექსუალური, უფრო ადამიანური, ჭკვიანი და ხელოვნურ ინტელექტთან ძალიან კარგად ინტეგრირებული. ყველაფერთან ერთად კი, აპლიკაციის საშუალებით მას მთლიანად მომხმარებელი მართავს.

შემქმნელები იმასაც კი ვარაუდობენ, რომ ჰარმონიამ, შესაძლოა, პორნო ინდუსტრიაც კი შეცვალოს.

ჰარმონიას ისიც კი შეუძლია, რომ ნამდვილი სიყვარულის არსზე გესაუბროთ და ცხოვრებისეული რჩევებიც მოგცეთ. ამას გარდა, რობოტს უფლება აქვს უარი გითხრათ სექსზე, თუ ამის ხასიათზე არ იქნება. თუმცა ეს ძალიან იშვიათად ხდება. ბოლოს და ბოლოს, ის ხომ სექს-რობოტია?

თუ ცხოვრებაში კომპლიმენტები გაკლიათ ან უბრალოდ გსიამოვნებთ მათი მოსმენა, ჰარმონია არც ამაზე დაგზარდებათ. ყველაფერთან ერთად, ჰარმონია მზადაა თქვენთვის საყვარელ თემებზეც გესაუბროთ. მაგალითისთვის, მას შეუძლია ბეისბოლზე, კალათბურთზე ან ფეხბურთზეც კი გესაუბროთ.

Cnet-ის ჟურნალისტმა ჰარმონიასგან ინტერვიუს აღება გადაწყვიტა. შედეგები შეგიძლიათ ვიდეოში იხილოთ.

გახსოვთ სპაიკ ჯონსის ფილმში Her ხოაკინ ფენიქსისა და სკარლეტ იოჰანსონის დუეტი, სადაც ფენიქსის პერსონაჟს, თეოდორს, ხელოვნური ინტელექტი, სამანტა უყვარდება?

დიახ, ეს რეალობა უკვე კარს მოგვადგა. მეტიც, სპაიკ ჯონსის ფილმისგან განსხვავებით, დღეს ხელოვნური ინტელექტი აღარ არის მხოლოდ ტელეფონში ჩაკეტილი ხმა, არამედ მას აქვს სხეული, შეუძლია ლაპარაკი, არის ჭკვიანი, შეუძლია სექსუალური მოთხოვნილებები დაკმაყოფილება და სხვ.

მეტსაც გეტყვით - ჩვენ უკვე გვყავს რამდენიმე ადამიანი, რომლებიც სექს-რობოტებთან ერთად ირჩევენ ცხოვრებას. 58 წლის ჯეიმსი რამდენიმე თვეა ეიპრილთან, სექს-რობოტთან ერთად ცხოვრობს. ჯეიმს ცოლიც ჰყავს, თუმცა მას დაქორწინებულის სტატუსი ეიპრილთან დროის გატარებაში ხელს არ უშლის.

მიუხედავად ამისა, მას მაინც აქვს ეიპრილთან პრობლემები. მისი სექს-რობოტი არ არის ხელოვნური ინტელექტის ტექნოლოგიასთან კარგად მორგებული. მას არ შეუძლია საუბარი, ემოციების გამოხატვა, ღიმილი და სხვ. სწორედ ამიტომ, ჯეიმსი აპირებს, რომ სრულიად ახალი სექს-რობოტი, ჰარმონია შეიძინოს.

„არჩევანის გაკეთება რომ მომიხდეს ჩემს ცოლსა და ეიპრილს შორის, ნამდვილად გამიჭირდებოდა გადაწყვეტილების მიღება“, - ამბობს ჯეიმსი.

ისე კი, ამ ყველაფერმა შესაძლოა Black Mirror-ის ერთ-ერთი სერიაც გაგახსენოთ, სადაც მთავარი პერსონაჟის, მართას მეუღლე უბედურ შემთხვევას ეწირება. დეპრესიაში ჩავარდნილი მართა შვებას ვერაფერში პოულობს, სანამ ახალი ტექნოლოგიის შესახებ არ გაიგებს. წარმოიდგინეთ, მას შეიძლება მეუღლე დაუბრუნდეს - ზუსტად ისეთი, როგორიც გარდაიცვალა. მას შეუძლია სექსუალური მოთხოვნილებების დაკმაყოფილება, ემოციების გამოხატვა, აქვს მახსოვრობის უნარი და სხვ.

...თუმცა, ამ სტატიის წაკითხვის შემდეგ, ამის წარმოდგენა წესით აღარ უნდა გაგიჭირდეთ.

ჰარმონიას შესახებ დეტალური ინფორმაციის გასაგებად, შეგიძლიათ ეწვიოთ RealDoll's-ის ოფიციალურ საიტს.