საქართველოს მესამე პრეზიდენტი და უკრაინული პარტია ახალი ძალების მოძრაობის ლიდერი, მიხეილ სააკაშვილი კიევის პროკურატურაში დაკითხვაზე გამოცხადდა თუმცა, პროკურორის ნაცვლად ჟურნალისტებს ესაუბრა.

პროკურატურის ცნობით, სააკაშვილი მასთან დაკავშირებულ სისხლის სამართლის საქმეზე უნდა დეკითხათ და შესაბამისად, მას პროკურორები ელოდნენ. პროკურატურაში მისულმა სააკაშვილმა, მედიასთან საუბრის შემდეგ, პროკურატურა ისე დატოვა, რომ დაკითხვაზე არ შესულა. მას პროკურორები დაკითხვაზე ხელახლა დაიბარებენ.

მიხეილ სააკაშვილის მიმართ გამოძიება მიმდინარეობს ხელისუფლების შესაცვლელად მის მიერ უკრაინის ყოფილი მთავრობის წარმომადგენლებისგან ფინანსური რესურსის მოზიდვაზე, რასაც საააკშვილი აბსურდს უწოდებს.