უკრაინაში იმპიჩმენტისთვის მორიგი მარში მიმდინარეობს. ახალი ძალების მოძრაობის ლიდერის, მიხეილ სააკაშვილის განმარტებით, მსვლელობაში მონაწილეები პრეზიდენტ პოროშენკოს იმპიჩმენტსა და უკრაინის გენერალური პროკურორის იური ლუცენკოს გადადგომას მოითხოვენ.

მსვლელობა ადგილობრივი დროით 12 საათზე შევჩენკოს პარკიდან დაიწყო და მაიდნისკენ მიემართება.

მიხეილ სააკაშვილმა განაცხადა, რომ არანაირი კომპრომისი არ იქნება იმასთან დაკავშირებით, რომ ქვეყანას ოლიგარქიული მმართველობა უნდა ჩამოშორდეს.