ტურიზმის ეროვნული ადმინისტრაციის ინფორმაციით, 2017 წლის იანვარ-ოქტომბერში საქართველოს 6,4 მილიონზე მეტი საერთაშორისო მოგზაური ეწვია, რაც ერთი მილიონით მეტია წინა წლის ანალოგიურ პერიოდთან შედარებით (ზრდა 18,8 პროცენტი).

ადმინისტრაციის განცხადებით, 10 თვის მონაცემებით ტურისტების რიცხვმა, რომლებმაც 24 საათი და მეტი დაჰყვეს საქართველოში 3 042 907 შეადგინა, რაც 28 პროცენტით მეტია წინა წლის ანალოგიურ პერიოდთან შედარებით.

2017 წლის ოქტომბრის თვის მონაცემებით საქართველოს 600 ათასზე მეტი საერთაშორისო მოგზაური ეწვია, რაც 15 პროცენტით მეტია წინა წელთან შედარებით. ადმინისტრაციის თქმით, ოქტომბერში 259 ათასზე მეტი ტურისტი იყო, რაც წინა წლის ანალოგიურ პერიოდთან შედარებით 19,9 პროცენტით მეტია.