წარმატებისთვის "სწორ დროსა და სწორ ადგილას" ყოფნა ყოველთვის აუცილებელი არ არის. თიბისის მხარდაჭერით, საქართველოს ნებისმიერი კუთხე შეიძლება გახდეს სწორი ადგილი განათლების მისაღებად. სწორედ ამ შესაძლებლობას ქმნის თიბისის უფასო ონლაინ განათლების ეკოსისტემა, რომლის ერთ-ერთი მთავარი პროგრამაც თიბისი ტექსკოლაა.

გაიცანით რეზი გაფრინდაშვილი საჩხერედან, რომელმაც თიბისი ტექსკოლაში მიღებული ცოდნით თავის სკოლას საჩუქრად ვებგვერდი დამზადა.

"ადამიანები სწორ დროსა და სწორ ადგილს, ალბათ, თავად ქმნიან საკუთარი მონდომებითა და შესაძლებლობებით. საჩხერე ჩემთვის მშვიდი, საინტერესო და სწორი ადგილია როგორც საცხოვრებლად, ისე სწავლისთვისა და მუშაობისთვის. მომავალში ვგეგმავ, თიბისი ტექსკოლაში მიღებული ცოდნით შევქმნა თამაში, სადაც მთავარი მოქმედება ციხესიმაგრეში განვითარდება," — განაცხადა რეზი გაფრინდაშვილმა.

უკვე სამი წელია, თიბისი ტექსკოლა IX-XII კლასების მოსწავლეებს სრულიად უფასოდ აცნობს თანამედროვე და მოთხოვნად ტექნოლოგიურ პროფესიებს. პროგრამაში უკვე 4 500-ზე მეტი უფროსკლასელი ჩაერთო, რომელთა 35% რეგიონებიდანაა. ტექსკოლის მონაწილეები სწავლობენ ისეთ მიმართულებებს, როგორიცაა ვებდეველოპმენტი, UI/UX დიზაინი, მობილური აპლიკაციების შექმნა, გრაფიკული დიზაინი და სოციალური მედიის მარკეტინგი.

თიბისი ტექსკოლა მხოლოდ ცოდნის მიღების შესაძლებლობა არ არის. მონაწილეები სწავლობენ ინტერაქციული ონლაინლექციების ფორმატში, ურთიერთობენ ლექტორებთან და მენტორებთან, ქმნიან პირველ ციფრულ პროექტებს და საქართველოს სხვადასხვა კუთხეში მცხოვრებ თანატოლებთან ერთად მუშაობენ. ამ პროცესში ისინი, ტექნოლოგიურ ცოდნასთან ერთად, დამოუკიდებელი სწავლის, დროის მართვისა და ციფრული თანამშრომლობის უნარებსაც ივითარებენ.

ტექსკოლასთან ერთად, თიბისის უფასო ონლაინ განათლების ეკოსისტემა აერთიანებს თიბისი კამპუსსა და IT აკადემიასაც. თიბისის ონლაინ განათლების მიზანია, ხარისხიანი განათლება ფინანსურ და გეოგრაფიულ ბარიერებზე არ იყოს დამოკიდებული.

თიბისის ონლაინ განათლების პროგრამები — ეს არის სწორი ადგილი განათლებისთვის!